Monday, March 19, 2012
Sunday, March 18, 2012
Tuesday, June 21, 2011
இலங்கை அரசை கலங்க வைத்துள்ள சனல்- 4 வீடியோ
சற்று வயது முதிர்ந்த அவரின் நடையில் தெரிந்த மெல்லிய தள்ளாட்டம் அவருள் காய் பிரட்டிக் கள்ளு வேலை செய்வதாக ஒரு ஊகத்தை ஏற்படுத்தியது.அவர் கிட்ட வந்ததும் "ஐயா நானும் நீங்களும் கூட இலங்கையர் தானே. எங்கடை மானம் ஏன் போகப் போகுது?'' எனக் கேட்டேன். அவர் பாட்டை நிறுத்திவிட்டு என்னைப் பார்த்தார்.நான் "இப்படிப் பாடினால் நல்லாய் இருக்கும்'' என்று விட்டு "எவரும் சனல் 4 என்பதே பேச்சு, அரச மானம் காற்றிலே போச்சு'' என்று பாடுங்கோ என்றேன்.
"அடியடா சங்கை! நீதான் பாட்டுக்காரன்'' என்று விட்டு நான் கூறியதையே பாடிக்கொண்டு போக ஆரம்பித்தார். அந்த முதியவர் முதலில் பாடிய வரிகளைக் குறைகூறிவிடவும் முடியாது. ஏனெனில் இலங்கையின் ஆட்சியாளர்களாலும், படையினராலும் மேற்கொள்ளப்பட்டதாகக் கூறப்படும் போர்க்குற்றங்கள் தொடர்பாகவோ, மனித உரிமை மீறல்கள் தொடர்பாகவோ குற்றச்சாட்டுக்கள் எழும் போது அவை இலங்கையின் இறைமைக்கும் நற்பெயருக்கும் எதிராகத் தொடுக்கப்படும் கணைகள் என்றொரு மாயை அரச தரப்பினரால் ஏற்படுத்தப்பட்டுள்ளதுஆனால் குற்றமிழைத்ததாகக் கருதப்படுவது சில அதிகார வெறிபிடித்த தனி நபர்களேயொழிய இலங்கை நாடோ அல்லது இலங்கை மக்களோ அல்ல.
அதைச் சிங்கள மக்கள் புரிந்துகொள்ளும் நாள்கள் வெகுதொலைவில் இல்லை என்பதற்கான அறிகுறிகள் தென்பட ஆரம்பித்துவிட்டன. ஏனெனில் கடந்த காலங்களில் கட்டவிழ்த்துவிடப்பட்ட அடக்கு முறைகளும் உயிர்ப்பலிகளும் இப்போ மெல்ல மெல்ல சிங்கள மக்கள் மேலும் விரிவுபடுத்தப்பட்டு வருகிறன.எனினும் ஜனாதிபதியும் பாதுகாப்புச் செயலரும் தங்களுக்கு எதிராக நீட்டப்படும் குற்றச்சாட்டுகளை முழுநாட்டின் மீதும் சுமத்தப்படுவதாக ஒரு மாயையை ஏற்படுத்துவதிலேயே குறியாக இருக்கின்றனர். அப்பணியைப் பல அமைச்சர்களும் அரச சார்பு ஊடகங்களும் அட்சரம் பிசகாமலே தொடர்ந்து வருகின்றன.
எப்படியிருந்த போதிலும் சனல் 4 வெளியிட்ட இலங்கையின் கொலைக்களம் என்ற இந்த வீடியோ நாடா உலகம் முழுவதும் பெரும் பரபரப்பை ஏற்படுத்தியுள்ளது. அதுமட்டுமன்றி ஏற்கனவே இலங்கை அரசு தொடர்பாகக் கண்டனங்களை வெளியிட்டு வந்த மனித உரிமை அமைப்புக்களை மேலும் கோபாவேசமடைய வைத்திருக்கிறது.
இந்தப் படக்காட்சி ஐக்கிய நாடுகள் சபையின் மனித உரிமைகள் அமைப்பின் மாநாட்டில் காட்டப்பட்ட போது பல பிரதிநிதிகள் கண்ணீர் விட்டனர். சிலர் காட்சிகள் சிலவற்றைப் பார்க்க முடியாது கண்களை மூடிவிட்டனர்.
காட்சி முடிந்த பின்பும் பலர் திகைத்துப் போய் எதுவும் செய்ய முடியாது உறைந்து போயிருந்ததாகக் கூடக் கூறப்படுகிறது.இதுவரை இலங்கையில் இடம்பெற்றதாகக் கூறப்படும் போர்க்குற்றங்கள், மனித உரிமை மீறல்கள் தொடர்பான விடயங்கள் வெறும் குற்றச்சாட்டுக்களாகவும் அரசின் நிராகரிப்புகளாகவுமே விளங்கி வந்தன. ஆனால் ஐ.நா நிபுணர் குழு வெளியிட்ட அறிக்கையோ அப்பிரச்சினையை இன்னொரு கட்டத்துக்கு உயர்த்திவிட்டது.
எவ்வளவுதான் இலங்கை அரசு அதற்குத் தனது எதிர்ப்பைக் காட்டியபோதும் அதை நிராகரிப்பதாகச் சவால் விட்டபோதிலும் உலக அளவில் அது பெரும் தாக்கத்தை ஏற்படுத்தியது. அதில் குறிப்பிடப்பட்ட குற்றச்சாட்டுக்கள், ஆலோசனைகள் இலங்கை அரசினால் கூடப் புறமொதுக்க முடியாத வகையில் வலிமையாக இருந்தன. அமெரிக்கா, ஐரோப்பிய ஒன்றியம், பிரிட்டன் போன்ற பல நாடுகள் உடனடியாகச் சர்வதேசத் தரம் கொண்ட விசாரணை நடத்தப்பட வேண்டும் என வலியுறுத்த ஆரம்பித்தன. இந்த விடயத்தில் இலங்கைக்கு ஆதரவு வழங்கும் ரஷ்யா, சீனா போன்ற நாடுகள் கூட இலங்கையை ஐ.நா நிபுணர் குழுவுக்கு எதிரான குரல்களை அடக்கி வாசிக்கும் படி எச்சரித்துள்ளன. இலங்கை அரசு அந்த அறிக் கையைத் தாம் நிராகரித்துவிட்டதாகக் கூறியபோதும் ஐ.நா செயலர் பான் கீ மூன் தாம் இந்த அறிக்கை தொடர்பாக இலங்கையின் பதிலை எதிர்பார்த்திருப்பதாகவும் அதன் பின்பே அடுத்த கட்ட நடவடிக்கை பற்றித் தீர்மானிக்கப்படும் என அறிவித்துள்ளமையும் இலங்கை அரசைத் திக்குமுக்காட வைத்துள்ளது. இப்படியான நிலையில்தான் இலங்கையின் கொலைக்களம் என்ற சனல்4 வெளியிட்ட வீடியோ வெளியாகியுள்ளது.
கடந்த 14 ஆம் நாளன்று அது பகிரங்கமாகவே ஒளிபரப்பப்பட்ட போது உலகம் முழுவதுமே பெரும் அதிர்வலைகளை ஏற்படுத்தியது. நாற்புறமும் சர்வதேச அளவிலான கண்டனங்கள் எழுந்தன.குறிப்பாக நாடாளுமன்றத்தில் உரையாற்றிய பிரிட்டன் பிரதமர் டேவிட் கம்ரூன் இவை தொடர்பாக உடனடி விசாரணை நடத்தப்படவேண்டும் எனத் தெரிவித்துள்ளார். அதேவேளையில் பிரிட்டன் வெளி விவகார அமைச்சர் அந்த விடயங்கள் தொடர்பாக நேர்மையான விசாரணைகள் நடத்தப்பட வேண்டும் என சர்வதேச நாடுகள் அழுத்தம் கொடுக்க வேண்டும் எனக் கூறியுள்ளார். இலங்கை அரசோ நாம் இது தொடர்பாகப் பரிசீலனை செய்ததாகவும் அவை போலியானவை எனவும் கூறி நிராகரித்துவிட்டது. ஆனால் சனல் 4 நிகழ்ச்சித் தயாரிப்பாளரோ இதில் சேர்க்கப்பட்ட ஒவ்வொரு காட்சியையும் ஆறு நிபுணர்கள் மூலம் பரிசோதித்து அவை அத்தனையும் உண்மையானவை எனக் கண்டறிந்ததாகவும் அடித்துக் கூறியுள்ளார்.
இது இலங்கை அரசின் மறுப்புரைகளுக்கு ஆப்பு வைக்கும் வகையிலேயே வலிமையானதாகத் தெரிகிறது. அதேவேளையில் வெளிவிவகார அமைச்சு இதில் காணப்படுபவை உண்மையானால் அது தொடர்பாக இலங்கையின் நல்லிணக்க ஆணைக்குழு விசாரணை செய்யும் எனத் தெரிவித்துள்ளது.எப்படியிருந்த போதிலும் சனல் 4 இலங்கை அரசை ஒரு சர்வதேச நெருக்கடிக்குள் தள்ளியுள்ளது என்பது உண்மை. ஆனால் இலங்கை அரசு உள்ளூரில் நாட்டின் இறைமை, அந்நிய சக்திகளின் சதி போன்ற வார்த்தைப் பிரயோகங்களை மேற்கொண்டு சிங்கள மக் ளைத் தன் பால் வைத்திருக்கும் அதேவேளையில் ராஜதந்திர ரீதியில் சர்வதேச அழுத்தங்களைத் தவிர்க்கச் சகல முயற்சிகளையும் மேற்கொள்ளும்.தன் பின்னால் இலங்கை மக்கள் அனைவரும் நிற்கிறார்கள் என்பதைச் சர்வதேசத்துக்குக் காட்ட ஐ.நா. நிபுணர்குழு அறிக்கையையோ, சனல் 4 வீடியோவையோ தமிழ், சிங்கள, முஸ்லிம் மக்கள் அனைவரும் எதிர்க்கின்றனர் என்ற தோற்றப்பாட்டை ஏற்படுத்த வேண்டிய தேவை உள்ளது.
விமல் வீரவன்சவும், ஜாதிக ஹெல உறுமயவும் சில அமைச்சர்களும் அரசின் போர்க்குற்றங்களையும், மனித உரிமை மீறல்களையும் சிங்கள மக்கள் மறுக்கிறார்கள் எனவும் அரசுக்கு ஆதரவு கொடுக்கிறார்கள் எனவும் ஒரு தோற்றப்பாட்டை ஏற்படுத்த என்ன விலையைக் கொடுக்கவும் தயாராயுள்ளனர்.
சிறிலங்கா முஸ்லிம் காங்கிரஸ் தலைவர் ரவூப் ஹக்கீமோ சனல் 4 நிறுவனம் மேல் வழக்குத் தொடரப்போவதாகக் கூறித் தன் விசுவாசத்தை வெளிப்படுத்தியுள்ளார். ஏனைய அரசுடன் இணைந்துள்ள முஸ்லிம் தலைவர்களும் இந்த விடயத்தில் அரசு சார்பாகச் செயற்படுவார்கள். அமைச்சர் டக்ளஸ் தேவானந்தாவோ, பிரதியமைச்சர் விநாயக மூர்த்தி முரளிதரனோ, கிழக்கு மாகாண முதலமைச்சர் சந்திரகாந்தனோ ஐ.நா நிபுணர் குழுவுக்கு எதிராகவோ, சனல்4 இற்கு எதிராகவோ ஆயிரம் தரம் அறிக்கை விடவும் தயார்.
இன்று இலங்கை மக்கள் அனைவரும் ஐ.நா நிபு ணர்குழு அறிக்கையையும் சனல் 4 வீடியோவையும் எதிர்க்கிறார்கள் என்ற தோற்றப்பாட்டை ஏற்படுத்தத் தடையாக இருப்பது தமிழ்த் தேசியக் கூட்டமைப்பு மட்டுமே. எலும்புத் துண்டுகளை எறிந்து தமிழ்த் தேசியக் கூட்டமைப்பை விலைக்கு வாங்கிவிட முடியாது என்பதையும் அரசு தெளிவாகவே தெரிந்து வைத்திருக்கிறது.
எனவே அடுத்த கட்டம் தமிழ்த் தேசியக் கூட்டமைப்பை அடக்கி வைப்பது. அதன் ஆரம்பம் தான் தமிழ்த் தேசியக் கூட்டமைப்பின் முதல் தேர்தல் பிரசாரக் கூட்டத்தின் மீது இராணுவச் சீருடை அணிந்தவர்களால் மேற்கொள்ளப்பட்ட வன்முறைகள். ஏற்கனவே சிவஞானம் ஸ்ரீதரன் மீது மேற்கொள்ளப்பட்ட கொலை முயற்சியும், சரவணபவனுக்கு விடுக்கப்பட்ட கொலை மிரட்டலும் இங்கு கவனிக்கத்தக்கவை. தேர்தல் பிரசாரங்களைத் தடுப்பது, சாதாரண நடமாட்டங்களுக்கு அச்சுறுத்தல் விடுவது, பொதுமக்களை மிரட்டுவது போன்ற நடவடிக்கைகளும் தொடரலாம்.
இப்போது அளவெட்டியில் தமிழ்த் தேசியக் கூட்டமைப்பின் மேல் மேற்கொள்ளப்பட்ட தாக்குதல் தேர்தல் நோக்கத்துடன் மட்டுப்படுத்தப்படக் கூடியதல்ல. தேசிய அளவிலும் சர்வதேச அளவிலும் தமிழ் மக்களின் குரலை அடக்கி, அரசின் ஏவலாளர்களின் குரலை தமிழ் மக்களின் குரலாகக் காட்டக்கூடிய ஒரு நிலைமையை ஏற்படுத்தும் ஒரு நீண்ட நிகழ்ச்சித் திட்டத்தின் ஒரு பிரதியாகும். எனவே இந்த விடயத்தில் தமிழ்த்தேசியக் கூட்டமைப்பும் தமிழ் மக்களும் மிகமிக விழிப்பாக இருக்க வேண்டியது அவசியமாகும்.
Wednesday, December 1, 2010
Friday, October 17, 2008
யுத்தத்தை நிறுத்திற்குத் தயார் இல்லை என மகிந்த இந்தியாவுக்கு செய்தி!
தமிழக முதல்வர் மு. கருணாநிதி மற்றும் விடுதலைப் புலிகள் சார்பு அரசியல்வாதிகள் கோரியிருக்கின்றமைபோல வன்னி இராணுவ நடவடிக்கைகளை நிறுத்தவோ, யுத்தநிறுத்தத்தை நடைமுறைப்படுத்தவோ இலங்கை அரசு தயாரில்லை. இதனை சிறி லங்கா ஜனாதிபதி இந்தியாவுக்கு அறிவித்திருக்கின்றார் என சிறி லங்கா அரசின் உத்தியோகபூர்வ ஊடகமான இலங்கை வானொலி இன்று காலை அறிவித்தது.தன்னையும், தனது பாதுகாப்புச் செயலாளரையும், முப்படைத் தளபதிகளையும் கொல்வதற்கு விடுதலைப் புலிகள் இயக்கத் தலைவர் தற்கொலைத் தாக்குதல் நபர்களை அனுப்பியிருக்கையில், தனது அரசு யுத்தநிறுத்தம் ஒன்றைச் செய்ய எண்ணவில்லை என்று ஜனாதிபதி கூறினார்.
இரண்டு வாரங்களுக்குள் வன்னி இராணுவ நடவடிக்கைகளை நிறுத்தி, யுத்த நிறுத்தத்தை நடைமுறைப்படுத்த வேண்டும் என்று தமிழக முதலமைச்சர் கருணாநிதி விடுத்த நிபந்தனைக்கு பதிலளிக்கும் விதமாகத் தாம் வெளியிட்டுள்ள அறிக்கையிலேயே ஜனாதிபதி இப்படித் தெரிவித்துள்ளார்.
தற்கொலைத் தாக்குதல் நபர்கள் கொழும்புக்குள் ஊடுருவி இருக்கையில் அவர்களின் இலக்கு இலகுவாக நிறைவேறுவதற்கு உதவும் வகையில் சிறி லங்கா அரசு வன்னி இராணுவ நடவடிக்கைகளை நிறுத்தவேண்டுமா என்று ஜனாதிபதி இந்திய அதிகாரிகளிடம் கேள்வி எழுப்பினார்.
தமிழ்நாடு அரசியல் வாதிகளால் வன்னிப் படை நடவடிக்கையை நிறுத்தச் செய்யமுடியாது என்பதை அரசு உறுதிபடத் தெரிவிக்கின்றது. ஆகவே விடுதலைப்புலிகளின் சதித்திட்டத்திற்குப் பலியாக வேண்டாம் என சிறி லங்கா அரசு இந்திய அதிகாரிகளைக் கேட்டுக்கொள்கிறது.
வன்னியில் இடம்பெயர்ந்தோருக்கான நிவாரணத்தை வழங்குவதற்கு இயலுமான எல்லா நடவடிக்கைகளையும் அரசு எடுத்துள்ளது என்பதையும் அரசு மேலும் தெரிவித்துக்கொள்கிறது. இவ்வாறு இலங்கை வானொலியின் அந்தச் செய்தியில் மேலும் தெரிவிக்கப்பட்டது.
Wednesday, October 15, 2008
உபகண்டத்தையே அதிரவைக்கும் தமிழக தீர்மானம்:
[வியாழக்கிழமை, 16 ஒக்ரோபர் 2008, 05:51 மு.ப ஈழம்] [புதினம் நிருபர்]
தமிழக முதல்வர் கலைஞர் கருணாநிதி தலைமையில் தமிழக அனைத்துக் கட்சிகள் உபகண்டத்தையே அதிரவைக்கும் வரலாற்றுச் சிறப்புமிக்க தீர்மானத்தை நிறைவேற்றியுள்ளன என்று அமெரிக்க இலங்கை தமிழ்ச் சங்கம் நன்றி தெரிவித்துள்ளது.
அமெரிக்க இலங்கை தமிழ் சங்கத்தின் அறிக்கை:
எமது அன்பிற்கும் மதிப்பிற்குமுரிய தமிழக மக்களே, அரசியற் தலைவர்களே, மாண்பிமிகு முதல்வர் டாக்டர் கலைஞர் அவர்களே!
முதற்கண், தமிழீழத் தமிழர்களின் சார்பில், அமெரிக்க இலங்கைத் தமிழ்ச் சங்கத்தினராகிய நாங்கள், எம் இதயங்களின் ஆழத்திலிருந்து உங்களுக்கு எம் நன்றியையும், மரியாதையும் தெரிவித்துக்கொள்ள அனுமதியுங்கள்.
பாசத்திற்குரியவர்களே!
நீறுபூத்த நெருப்பென உள்ளேயே கனன்றுகொண்டிருந்த நீங்கள், குமுறும் எரிமலையாக வெடித்துவிட்டீர்கள். நீண்ட இடைவெளிக்குப் பின்னர், ஒன்றாகக் கூடி - ஒருமித்த குரலில் - பலம் வாய்ந்த அரசியல் வார்த்தைகளில் - தமிழீழத் தமிழர்கள் மீது உங்களுக்கு இருக்கும் அன்பையும், அவர்களது சுபீட்சமான அரசியல் எதிர்காலத்தின் மீது உங்களுக்கு இருக்கும் அக்கறையையும் வெளிப்படுத்திவிட்டீர்கள்.
முதல்வர் கலைஞர் ஐயா அவர்கள் கூட்டிய அனைத்துக்கட்சி மாநாட்டில் திரண்டு, வரலாற்றுத் தீர்மானங்களை நிறைவேற்றி, வெறும் சொற்களால் மாத்திரமன்றி, காத்திரமான செயற்பாட்டு முடிவுகளினாலும் உப-கண்டத்தையே அதிர வைக்கும் தாக்கத்தை ஏற்படுத்த ஆரம்பித்து விட்டீர்கள்.
கட்சிகளின் வரம்புகளைத் துறந்து, அரசியலின் முரண்பாடுகளை மறந்து, மாநிலத்தின் சுவர்களைக் கடந்து, நாட்டின் எல்லைக்கும் அப்பால் "இனத்தின் உணர்வால் இறுகப் பிணைக்கப்பட்ட தமிழர்கள் நாம்" என்பதை இந்த உலகிற்கு முரசறைந்து சொல்லிவிட்டீர்கள். "தேர்தல் வெற்றியை நோக்கமாகக் கொண்ட வெறும் அரசியல் விளையாட்டு இது" என்று எள்ளி நகையாடியவர்களின் முகங்களில் அவமானத்தைப் பூசி விட்டீர்கள்.
மாண்புமிகு முதல்வர் கலைஞர் ஐயா அவர்கள், ஒட்டுமொத்த உலகத் தமிழினத்தின் தலைவனாக - தமிழினத்தின் நிபந்தனையற்ற காவலனாக - அவரது உண்மையான அவதாரத்தை எடுத்து விட்டார்.
வரலாற்றுச் சிறப்பு மிக்க முதற்படியை எடுத்துள்ள நீங்கள், தமிழீழ மக்களின் தற்காலிகப் பிரச்சிக்கான தீர்வை நோக்கி அரசியல் நகர்வுகளை ஆரம்பித்துவிட்டீர்கள். தமிழர்களுக்கு எதிரான போரை நிறுதவும், அவர்களுக்கு உணவும், மருந்தும் போய்ச் சேரவும், வாழும் இடங்களில் அவர்கள் நிம்மதியாய்க் குடியமரவும் - உருப்படியான காரியங்களைச் செய்யுமாறும், சிறிலங்கா அரசுக்கான அனைத்து இராணுவம்- சார் உதவிகளை நிறுத்துமாறும் இந்திய மத்திய அரசுக்கு அழுத்தம் போட்டிருக்கும் நீங்கள், ஈழத் தமிழ் மக்களுக்கு ஓர் இடைக்கால நிம்மதியைக் கொடுத்திருக்கின்றீர்கள்.
தமிழக மக்களின் குரலும், தமிழகத் தலைவர்களது செயலும், தமிழகத்தின் சக்தியும் -
- தமிழீழ மக்களுக்கு சுதந்திரத்தின் ஒளியைக் காட்டியிருக்கின்றது!
- "தமிழகம் எமக்காகப் பொங்கி எழாதா?.. தமிழகத் தலைவர்களும், கலைஞர் ஐயா அவர்களும் எமக்கு விடுதலையைப் பெற்றுத் தர மாட்டார்களா?.." என்று ஏங்கியிருந்த தமிழீழ மக்களுக்கு நம்பிக்கையையும், துணிவையும் தந்திருக்கின்றது.
- "தமிழர்களை நாம் என்ன வேண்டுமானாலும் செய்யலாம் ஏனென்று கேட்க ஆளே இல்லை!" என்று இறுமாந்திருந்த சிங்களப் பேரினவாதத்திற்கு சினத்தையும் அச்சத்தையும் ஊட்டியிருக்கின்றது.
- எல்லாவற்றுக்கும் மேலாக, ஈழத் தமிழர்களின் அழிவை - தமது சொந்த நலன்களுக்காக - கைகட்டிப் பார்த்து நிற்கும் அனைத்துலக சமூகத்திற்கு அதிர்ச்சியளித்திருக்கின்றது.
வரலாற்று மாற்றங்கள் அரங்கேறுகின்றன. நம்புதற்கரிய திருப்பங்கள் நிகழ்கின்றன. ஈழத் தமிழர்களுக்காகத் தனது நாடாளுமன்ற இருக்கைகளையே பணயம் வைக்கின்றது தமிழகம். நிம்மதிப் பெருமூச்சுவிட்டு, மகிழ்ச்சிக் கடலில் மூழ்கித் தவிக்கின்றது தமிழீழம். பெருமிதத்தோடும், திமிரோடும் நிமிர்கின்றான் தமிழன்.
எமது அன்பான தமிழகத்து உறவுகளே!
தமிழீழ மக்களின் மீது உங்களுக்கு இருக்கும் எல்லையற்ற பாசத்தையும், அக்கறையையும், அவர்களுக்காக நீங்கள் சந்தித்த இடர்களையும் நாம் அறிவோம். ஆட்சியை இழக்கும் சூழல் வந்த போது, சொந்தக் குழந்தைகளுக்காகத் துன்பங்களைத் தாங்கும் ஒரு தந்தையாக அதைப் பொறுத்துக்கொண்ட கலைஞர் ஐயாவையும், சிறையில் வாடும் துயரம் நிகழ்ந்த போது, சொந்தச் சகோதரர்களுக்காக அதையும் ஏற்றுக்கொண்ட தலைவர்களையும், இன்னும் எத்தனையோ வழிகளில் எமது சுமைகளைச் சுமந்த அனைவரையும் நாம் என்றும் மறவோம். எங்கள் நெஞ்சங்களின் மிகச்சிறந்த இடமொன்றில், நன்றியுணர்வுடன் உங்களை நாம் அமர்த்தியிருக்கின்றோம்.
தமிழினத்தினது வரலாற்றின் மிகவும் உச்சமான ஒரு காலத்தில் நாம் எல்லோரும் இன்று இருக்கின்றோம். சரியான திசையில் தன்னை நகர்த்திச் செல்வதற்காக - காலத்திற்குக் காலம் - ஒப்பற்ற மனிதர்களை வரலாறு பிறப்பிக்கின்றது. அவர்களைத் தான் நாம் வரலாற்று மனிதர்கள் என்கின்றோம். அத்தகைய ஒரு மகோன்னதப் பிறப்பை கலைஞர் ஐயா அவர்களுக்குக் கொடுத்த சரித்திரம், இப்போது அவரை மிகச்சரியான இடத்தில் அமர்த்தியிருக்கின்றது.
தென்னாசியாவையே அசைக்கும் வல்லமையை அவருக்குக் கொடுத்திருக்கின்றது. அவரது அறிவு ஞானமும், அரசியற் செல்வாக்கும் தமிழர்களுக்கென்று ஒரு தனித் தேசத்தை உருவாக்கி, தமிழீழத்தில் துன்பத்தில் உழலும் எம் உறவுகளுக்கு நிரந்தர விடுதலையைப் பெற்றுத்தரும் சக்தி வாய்ந்தவை. தமிழீழ மக்களின் சுதந்தரத்திற்காக அவர் எடுக்கும் முயற்சிகளுக்கு ஒத்துழைத்து, அவருக்குப் பலம் சேர்த்து,
அவரை உற்சாகப்படுத்தி, தமிழினத்தைத் தாங்கும் தூண்களக நீங்கள் எல்லோரும் விளங்க வேண்டும் என்று நாம் தாழ்மையுடனும், உரிமையுடனும் கேட்டுக்கொள்ளுகின்றோம்.
மேலும், தமிழினத்தின் நிரந்தரக் காவலனாக கலைஞர் ஐயா என்றும் இருக்கின்றார் என்பதை, தமிழினத்தின் பகைவர்களுக்கும், இந்த உலகிற்கு அவர் உணர்த்த வேண்டும் என்றும் வேண்டிக்கொள்ளுகின்றோம்.
அன்பானவர்களே!
இப்போது - தமிழீழ மக்களுக்கு ஓர் தற்காலிக நிம்மதியைக் கொடுக்க ஆணித்தரமான முயற்சிகளை எடுத்துள்ள நீங்கள், சிங்களப் பேரினவாத ஒடுக்குமுறையிலிருந்து அவர்கள் நிரந்தர விடுதலை பெறவும் ஆவன செய்ய வேண்டும். அவர்களுடைய வீடுகளை ஆக்கிரமித்துள்ள சிங்களப் படைகளை வெளியேற்றி, அந்த மக்கள் தமது சொந்த ஊர்களுக்குச் சென்று நிரந்தரமாகக் குடியேறி, சுதந்திரமக வாழ ஆவன செய்ய வேண்டும்.
"சிங்களவர்களோடு சேர்ந்து வாழ முடியாதெனின், தமிழர்கள் பிரிந்து போவதே சரி" என்பதே கலைஞர் ஐயா அவர்களது தனிப்பட்ட நிலைப்பாடும், தமிழகத் தலைவர்களாகிய உங்களில் பலரது வெளிப்படையான நிலைப்பாடுமாகும். உங்களது அந்த நிலைப்பாட்டுக்கு ஓர் அரசியல் அங்கீகாரத்தை நீங்கள் கொடுக்கவேண்டும் என்றும், தமிழீழத் தமிழர்களின் துன்பங்களுக்கு "தமிழீழத் தனியரசு" தான் சரியான ஒரே தீர்வு என்ற ஒரு தீர்மானத்தை தமிழக மக்களவையிலே நிறைவேற்ற வேண்டும் என்றும், தமிழீழ மக்களின் ஏகப்பிரதிநிதிகளான தமிழீழ விடுதலைப் புலிகள் இயக்கத்தின் மீது இந்தியாவில் இருக்கும் தடையை நீக்கி, ஈழத் தமிழர்கள் தம்மைத் தாமே ஆள வழி பிறக்கச் செய்ய வேண்டுமென்றும் பணிவன்புடன் வேண்டிக்கொள்ளுகின்றோம்.
நீங்கள் எல்லோரும் இப்போது எடுத்துள்ள முயற்சிகள் ஒர் ஆரம்பம் தான் என்பதை நாம் அறிவோம்: தமிழீழ மக்களுக்கு நிரந்தரமான விடுதலையைப் பெற்றுத்தரும் வரை தமிழகம் ஓயாது என்பதையும் நான் அறிவோம்.
ஒரே இரவில் அதிசயங்களைப் படைக்கக்கூடிய ஆற்றல் படைத்தவர்கள் நீங்கள்: நம்பிக்கையோடு காத்திருக்கின்றது ஈழத் தமிழினம்.
நன்றி கலந்த மரியாதையுடன்,
இலங்கை தமிழ் சங்கம் - ஐக்கிய அமெரிக்கா
மின்னஞ்சல் : president@sangam.org
என்று அதில் தெரிவிக்கப்பட்டுள்ளது.
WAR
நாட்டை கூறுபோடும் பயங்கரவாதிகளுக்கு எதிராக எமது பாதுகாப்புப் படையினர் பாரிய பதிலடி கொடுத்த வண்ணமுள்ளனர். நாட்டுக்காக தம்மை அர்ப்பணித்து யுத்த களத்தில் போரிடும் முப்படையினருக்கு எமது ஆசீர்வாதமும் ஒத்துழைப்பும் எப்போதுமே உண்டு. ஆனால் யுத்தத்துக்கு தூபம் போட்டு அதன் மூலம் பிழைப்பு நடத்த நினைக்கும் இந்த அரசாங்கத்தின் கபட நாடகத்துக்கு நாம் ஒரு போதும் இடங்கொடுக்க மாட்டோம், இவ்வாறு ஐக்கிய தேசியக் கட்சியின் அம்பாந்தோட்டை மாவட்ட நாடாளுமன்ற உறுப்பினர் சஜித் பிரேமதாஸ தெரிவித்தார்.
ஹிரியால தேர்தல் தொகுதியில் செயற்படுத்தப்படவுள்ள "ஜன சுவய'' அபிவிருத்தித் திட்டம் குறித்து அப்பகுதி மக்களுக்கு தெளிவுறுத்தும் கூட்டம் ஒன்று இப்பாகமுவ நகரில் அண்மையில் இடம்பெற்றபோதே அவர் மேற்கண்டவாறு குறிப்பிட்டார். அங்கு அவர் மேலும் உரை நிகழ்த்துகையில்,இன்று சூரியன், சந்திரன், நட்சத்திரம் ஆகியவற்றை உவமைகளாக காட்டி அரசியல் நடத்தும் அரசியல்வாதிகளே சிறி லங்காவில் காணப்படுகின்றனர்.
அவர்களுக்கு தேவைப்படுவது மக்களை முட்டாள்களாக்கி அரச பதவிகளில் அமருவதாகும். ஆனால் நானோ உண்மையை பேசி நேரிய அரசியல் பாதை வழியாக செல்லவே விரும்புகின்றேன். மக்களுக்கு பசப்பு வார்த்தைகளையும் பொய்யான உறுதி மொழிகளையும் வழங்கி அவர்களை ஏமாற்றுகின்ற அரசியல் அதிகாரமே இப்போது எமது நாட்டில் மேலோங்கியுள்ளது.
ஆனால் எமது மக்கள் தற்போது இவ்வாறான போலியான அரசியல்வாதிகளை இனங்கண்டுள்ளார்கள். மக்களை ஒவ்வொரு நாளும் ஏமாற்றுவதென்பது முடியாத காரியம். நாட்டின் பாதுகாப்பு குறித்து ஒவ்வொருவரும் ஒவ்வொரு விதமாக கதைக்கின்றனர். எனினும் எமது இராணுவ வீரர்கள் தமது மனைவி, பிள்ளைகள், பெற்றோர்களிடமிருந்து விடைபெற்று யுத்த களத்தில் போர் புரிகின்றனர். எனது தந்தையின் ஆட்சிக் காலத்தில் நாட்டில் இரு யுத்தங்கள் இடம்பெற்றன.
ஆயினும் அவர் மக்களுக்கான உதவி செயற்பாடுகள், அபிவிருத்தித் திட்டங்களை கைவிட வில்லை. ஒருபுறம் யுத்தத்தை நடத்திக்கொண்டு மறுபுறம் மக்களுக்கு வீடு, வாசல், தொழில் வாய்ப்புக்கள், பாடசாலை மாணவர்களுக்கான இலவச சீருடை ஆகியவற்றை தாராளமாக பெற்றுக் கொடுத்தார்.
நகரங்களின் தொழிற்றுறைகளை கிராமங்களுக்கும் உள்வாங்கினார். இரண்டு யுத்தங்கள் அன்று இடம்பெற்ற பொழுதும் அவர் மக்களை நட்டாற்றில் நிர்க்கதியாக்காமல் நாட்டையும் மக்களையும் காப்பாற்றினார். ஆனால் இன்றைய மகிந்தவின் ஆட்சியில் நடப்பதோ அவற்றுக்கு நேர் மாறானது என்பதை நான் கூறித்தான் நீங்கள் அறிய வேண்டுமென்பதில்லை. நாட்டின் யதார்த்த நிலையை எமது மக்கள் நன்கறிவார்கள் என்றார்.
அரசாங்கத்துக்கு யுத்தம் செய்யவே மக்கள் ஆணை வழங்கினார்கள். எனவே அதனை மீறும் அதிகாரம் ஜனாதிபதிக்கு கிடையாது என்றும் அவர் கூறினார். பத்தரமுல்லையிலுள்ள தேசிய சுதந்திர முன்னணி அலுவலகத்தில் நேற்று செவ்வாய்க்கிழமை இடம்பெற்ற ஊடகவியலாளர் மாநாட்டில் கருத்து தெரிவித்தபோதே தேசிய சுதந்திர முன்னணியின் தலைவரும் நாடாளுமன்ற உறுப்பினருமான விமல் வீரவன்ச இதனைத் தெரிவித்தார்.
இங்கு அவர் மேலும் கூறியதாவதுகடந்த காலங்களைப் போன்று இன்றும் தமிழீழ விடுதலைப் புலிகளை தோல்வியிலிருந்து பாதுகாப்பதற்காக இந்தியா உட்பட மேற்குலக நாடுகள் தலையீடுகளை மேற்கொண்டு வருகின்றன. தமிழ்நாட்டில் கருணாநிதி உட்பட விடுதலைப்புலிகள் சார்பான அரசியல் கட்சிகள் சிறி லங்காவின் யுத்தத்தை நிறுத்த வேண்டுமென போராட்டங்களை நடத்தி மத்திய அரசாங்கத்திற்கு அழுத்தம் கொடுத்து வரும் நிலையில், இந்தியாவிலுள்ள சிறி லங்காத் தூதுவரை பிரதமர் மன்மோகன்சிங்கின் ஆலோசகர் கே. ஏ.நாராயணன் அழைத்து யுத்தத்தை நிறுத்தி அரசியல் தீர்வை முன்வைக்குமாறும், தமிழ் சிவிலியன்களை பாதுகாக்குமாறும் தெரிவித்துள்ளார்.
இந்தியா அல்ல எந்த நாடு அழுத்தம் கொடுத்தாலும் யுத்தத்தை ஜனாதிபதியால் நிறுத்த முடியாது. பயங்கரவாதத்தை ஒழிக்கவே மக்கள் ஆணை வழங்கினர். இதனை மீறுவது மக்களின் சுயாதிபத்தியத்தை மீறும் செயலாகும். விடுதலைப் புலிகளுக்கு ஆயுதங்களை வழங்கி பயிற்சிகள், பணம் வழங்கி இந்தியாவே போஷித்தது. இறுதியில் பிரதமர் ராஜீவ் காந்தியை விடுதலைப்புலிகள் கொலை செய்தனர்.
எனவே இந்தியா விடுதலைப்புலிகளை பாதுகாக்க முனைவதென்பது மீண்டும் வரலாற்றுத் தவறுகளையே புரிவதாக அமையும். முன்னோக்கிச் செல்லும் யுத்தத்தை பின்னோக்கி முன்னெடுக்கும் எந்தவொரு நடவடிக்கையையும் அரசாங்கம் மேற்கொள்ளல் ஆகாது. இந்திய அரசாங்கம் இங்கு யுத்தத்தை நிறுத்துவதற்காக மேற்கொள்ளும் முயற்சிகளை கைவிட வேண்டும். விடுதலைப் புலிப்பயங்கரவாதத்தை அழித்த பின்னரே அனைத்து தரப்பினரதும் கருத்துகளை செவிமடுத்து தீர்வுத் திட்டத்தை முன்வைக்க முடியும். அதை விடுத்து இப்போதே தீர்வுத் திட்டம் முன்வைக்கப்பட வேண்டுமென்பதெல்லாம் சாத்தியப்படாத விடயங்களாகும்.
இந்தியாவை சந்தோஷப்படுத்துவதற்காக சர்வகட்சி மாநாட்டைக் கூட்டி அரசியல் தீர்வுத்திட்டம் என ஜனாதிபதி தெரிவித்திருக்கலாம். ஆனால், அதிகாரப் பரவலாக்கலை எல்லாம் முன்னெடுக்க இடமளிக்கமாட்டோம். யுத்தமும் அரசியல் தீர்வின் ஓர் அங்கமே ஆகும். எனவே வெற்றியுடன் அது நிறைவு பெற வேண்டும். 1987 இல் ஜே.ஆர்.ஜயவர்த்தன நிறைவேற்று அதிகாரம் மற்றும் நாடாளுமன்ற பெரும்பான்மையைக் கொண்டிருந்தார்.
ஆனால், மக்கள் ஆணையைப் பெற்றிருக்கவில்லை. எனவே அன்று இந்தியாவின் நிபந்தனைக்கு அடிபணிந்து யுத்தம் நிறுத்தப்பட்டு இந்திய இலங்கை ஒப்பந்தம் செய்து கொள்ளப்பட்டது. ஆனால், இன்று அந்த நிலைமையில்லை. பயங்கரவாதத்தை அழிக்கும் யுத்தத்தை முன்னெடுக்கவே மக்கள் ஜனாதிபதிக்கு ஆணை வழங்கினார்கள். எனவே அதனை மீற முடியாது.
யுத்தம் நிறுத்தப்படுமானால் மக்கள் போராட்டம் வெடிக்கும். தொலைக்காட்சி நாடகத்தொடரைப் போன்று யுத்தக் காட்சிகளை தொலைக்காட்சிகளில் ஒளிபரப்பி மக்களை ஏமாற்ற அரசு முனைந்தால் மக்கள் தகுந்த பாடம் புகட்டுவார்கள். இந்த ஊடகவியலாளர் மாநாட்டில் நாடாளுமன்ற உறுப்பினர்களான அச்சல ஜாகொட, ஜயந்த சமரசிங்க, மொஹமட் முஸம்மில் மற்றும் தேசிய அமைப்பாளர் சமல் தேசப்பிரிய ஆகியோர் கலந்து கொண்டனர்
நாட்டை சீரழிக்கும் யுத்தத்தை நிறுத்தி அரசியல்த்தீர்வை முன்வையுங்கள் - மங்கள சமரவீர
ஐக்கிய நாடுகள் சபை உட்பட சர்வதேச ஆதரவினைப் பெற்றுக் கொள்ளவே சர்வகட்சிக் குழு கூட்டப்படுகின்றது. உண்மையில் இதன் மூலம் நாட்டின் தேசியப் பிரச்சினைக்கு தீர்வுகள் எட்டப்படப் போவதில்லை என்றும் அவர் ஊடகங்களுக்கு அனுப்பி வைத்துள்ள அறிக்கையில் தெரிவித்துள்ளார். அதில் மேலும் தெரிவிக்கப்பட்டுள்ளதாவது,கடந்த 11 ஆம் திகதி ஜனாதிபதி மகிந்த ராஜபக்ஸ தலைமையில் சர்வகட்சிக் குழு கூடியது.
இதில் ஜே.வி.பி. மற்றும் ஐக்கிய தேசியக் கட்சி என பிரதான எதிர்க்கட்சிகள் கலந்து கொள்ளவில்லை. ஜே.வி.பி.யின் நிலைப்பாடு என்னவெனில், 13 ஆவது திருத்தச் சட்டம் என்பதும் அதனை அமுல்படுத்துவதற்கான சர்வகட்சிக் குழுவின் யோசனைகள் என்பதும் கண்துடைப்பு நடவடிக்கைகள் என்பதே ஆகும். மேலும் சர்வ கட்சிக் குழு நடவடிக்கைகள் ஒரு மாயை என்றே அந்தக் கட்சி ஆரம்பத்திலிருந்து நிராகரித்தும் எதிர்ப்புத் தெரிவித்தும் வருகின்றது.
இன்றைய நிலையில் சர்வகட்சிக் குழுவின் நடவடிக்கைகளில் ஐக்கிய தேசியக் கட்சியும் தனது அதிருப்தியை வெளிப்படுத்தியிருக்கின்றது. இவ்வாறானதொரு நெருக்கடி மிக்க தருணத்தில் ஜனாதிபதி தலைமையில் கூடிய சர்வகட்சிக் குழு மாநாட்டில் தேசிய இனப்பிரச்சினைக்கு இராணுவத் தீர்வு சரியான பாதையாக அமையாது என்றும் அரசியல் தீர்வுகளிலேயே தாம் நம்பிக்கை கொண்டிருப்பதாகவும் ஜனாதிபதி மகிந்த ராஜபக்ஸ தெரிவித்திருந்தார்.
இராணுவத் தீர்வில் நம்பிக்கையில்லை எனக் கூறுகின்ற ஜனாதிபதி இதுவரையில் யுத்தப் போக்கை கைவிட்டதாகக் தெரியவில்லை. அரசியல் தீர்வு என்ற பெயரில் கூட்டப்படுகின்ற சர்வகட்சிக் குழுவின் நடவடிக்கைகளில் அர்த்தமில்லை என்பது தெளிவு. சிறி லங்காவில் இன்றைய யுத்த நிலைவரம் தொடர்பில் தமிழ்நாட்டில் எழுச்சிப் போராட்டங்கள், ஆர்ப்பாட்டங்கள் உத்வேகமடைந்திருக்கின்றன.
இதனுடைய வெளிப்பாடு பிரதமர் மன்மோகன் சிங்கின் மத்திய அரசாங்கத்தை சிறி லங்காப் பிரச்சினையில் தலையிட வைப்பதற்கான அழுத்தத்தை கொடுத்துக் கொண்டிருக்கின்றன. இந்நிலையில் அரசாங்கம் ஓர் உறுதியான நிலைப்பாட்டுக்கு வர வேண்டிய கட்டம் ஏற்பட்டிருக்கின்றது. அரசியல் தீர்வு என்றும் இராணுவத் தீர்வு என்றும் இரண்டும் கெட்ட நிலையில் சிந்திப்பதை தவிர்த்து மூவின மக்களும் இணைந்து வாழ்கின்ற நாட்டை மேலும் மேலும் இரத்தக் களமாக மாற்றாது தேசிய இனப்பிரச்சினைக்கு நிரந்தரமான அரசியல் தீர்வே முன்வைக்கப்பட வேண்டும்.
சர்வதேசத்தின் ஆதரவைப் பெற்றுக் கொள்வதற்காக அரசாங்கத்தின் நிகழ்ச்சி நிரலுக்கமைந்த ஏற்றுக்கொள்ள முடியாத யோசனைகளை தவிர்த்துக் கொண்டு உடனடியாக யுத்தத்தையும் நிறுத்த வேண்டும் என்பதுடன் அரசியல் தீர்வினை முன்வைக்க ஜனாதிபதி மகிந்த ராஜபக்ஸ நடவடிக்கை எடுக்க வேண்டிய காலம் இன்னும் கடந்து விடவில்லை என்பதையும் சிறி லங்கா சுதந்திரக் கட்சி மக்கள் பிரிவு வலியுறுத்தி நிற்கிறது.
ஏனெனில் கடந்த இரண்டு வருடங்களுக்கும் மேலாக கூட்டப்பட்டு வருகின்ற சர்வகட்சிக் குழுவில் ஆக்கபூர்வமான அல்லது ஏற்றுக் கொள்ளக்கூடிய தீர்மானங்கள் எதுவுமே எட்டப்படவில்லை என்பது இங்கு குறிப்பிடத்தக்கதாகும் எனவும் தெரிவிக்கப்பட்டுள்ளது.
Sunday, October 12, 2008
செயல்வன்மை மிக்க அரசியல் ஆதரவினை தமிழகம் வழங்குமா? - இதயச் சந்திரன்
"இந்திய மத்திய அரசு, இலங்கைத் தூதரக அதிகாரி மூலம் விடுத்திருக்கும் எச்சரிக்கை மீறப்பட்டால், இந்த அரசு தேவைதானா என்ற கேள்விக்கு விடை காண வேண்டி வரும் என தமிழக முதல்வர் கலைஞர் கருணாநிதி அவர்கள் குறிப்பிட்டதாக செய்திகள் வெளிவருகின்றன.இவ்வேண்டுகோளினை மத்திய அரசு செவிமடுக்காவிட்டால் இதே கேள்வியை கலைஞர் ஆட்சியை நோக்கி, தமிழ்நாட்டு மக்கள் கேட்கும் சூழலும் ஏற்படலாமென்பது உண்மை.அதேவேளை தமிழ்நாட்டுத் தலைவர்கள் காட்டிவரும் இத்தார்மீக ஆதரவு, செயல்வன்மைமிக்க அரசியல் ஆதரவாக முழுமை பெற வேண்டுமென்பதே ஈழத் தமிழர்களின் அவாவாகும்' என தமிழீழ விடுதலைப் புலிகளின் அரசியல் துறைச் செயலகம் விடுத்த அறிக்கையினையும் கூர்ந்து நோக்க வேண்டியுள்ளது.
"செயல்வன்மைமிக்க அரசியல் ஆதரவு எதுவாக இருக்கும் அல்லது இருக்க வேண்டுமென்பதை ஊகித்தறியும் போராட்டம் குறித்த புரிந்துணர்வு, தமிழக இன உணர்வாளர்களிடம் உண்டு.ஆனாலும் எதிரணியினரின் ஒன்று கூடல் கண்டு பதற்றமடைபவர்களும் தேர்தல் நெருங்கும் வேளையில் ஈழத் தமிழர் பிரச்சினையை உயர்த்திப் பிடிக்கும் சந்தர்ப்பவாதிகளும் "செயல்வன்மைமிக்க' அரசியல் ஆதரவிற்கு எவ்வகையான செயல் வடிவம் கொடுக்கப் போகிறார்களென்பதே எம்முன்னால் விரிந்து நிற்கும் கேள்வியாகும்.உண்மையிலேயே இந்திய கம்யூனிஸ் கட்சியினரின் உண்ணாவிரதப் போராட்ட முன்னெடுப்பே கலைஞரை அசைய வைத்துள்ளது.
அதேபோன்று விஜயகாந்த் கட்சியினர் முழு வீச்சுடன் கலந்து கொண்ட நிகழ்வு, ஜெயலலிதாவை அறிக்கை விட வைத்துள்ளது.செஞ்சிலுவைச் சங்கம் ஊடாக, சேகரித்த நிவாரணப் பொருட்களை யாழ். குடாநாட்டுக்கு அனுப்புமாறு நெடுமாறன் ஐயா மேற்கொண்ட உண்ணாவிரதப் போராட்டத்திற்கு கலைஞர் அளித்த வாக்குறுதி போன்று இதுவும் அமையலாமென்கிற பெருத்த சந்தேகம் தமிழ் மக்களுக்கு உண்டு.ஏனெனில் சிறிய கோட்டிற்குப் பக்கத்தில் பெரிய கோடொன்றை வரைவதில் கலைஞர் சாணக்கியரென்பது தமிழக அரசியலை நெடுங்காலமாக அவதானிப்பிற்குள்ளாக்கி வரும் மக்களுக்கு புரியும்.
ஈழத் தமிழர்களைப் பொறுத்தவரை தமிழின அழிப்பிற்கெதிரான காத்திரமான அரசியல் பங்களிப்பு, தமிழக மக்களிடமிருந்து வர வேண்டுமென்கிற எதிர்பார்ப்பு நீண்ட காலமாகவே இருந்து வருகிறது.தமிழக அரசியல் தலைவர்களின் ஒன்றிணைந்த செயல்பாடுகள், இதுவரை ஏன் முன்னெடுக்கப்படவில்லையென்ற ஏக்கமும் ஈழத் தமிழ் மக்கள் மத்தியில் உண்டு.டில்லி நோக்கிய தந்திப் போராட்டம், எத்தகைய மாற்றங்களை இந்திய நடுவண் அரசிற்கு அரசியலில் ஏற்படுத்துமென்பதற்கு அப்பால் ஆட்சியில் பங்குகொள்ளும் தமிழக அரசியல் சக்திகளின் நேரடித் தலையீடே செயல்வன்மை மிக்க மாறுதல்களை மத்தியில் உருவாக்கும் வாய்ப்பினை அதிகரிக்கும்.குடாநாட்டிற்கு உணவு அனுப்பும் விவகாரத்தில் கற்றுக் கொண்ட பாடத்தினை, நினைவில் இருத்தி தொடர்ச்சியான போராட்டங்களை முன்னின்று நடத்தினால் மத்திய அரசப் பங்காளர்களை இயங்கு நிலையில் வைத்திருக்கலாம்.
குறிப்பாக தமிழக மக்களின் உணர்வுகளை பிரதமர் மன்மோகன் சிங் அவர்கள் புரிந்து கொள்வதாகவும் தழுதழுத்த குரலில் கவலையோடு அவர் செவிமடுத்ததாகவும் அவர் நெஞ்சில் தமிழக மக்களின் பாரத்தை இறக்கி வைத்துள்ளதாகக் கூறப்படும் ஆறுதல் வார்த்தைகள் யாவும் செயலுருப் பெறக் கூடிய அடுத்த கட்ட படி நிலைக்கு மாறுதலயடையுமா என்பது சந்தேகமே.ஆகவே பேரினவாதத்தின் தமிழின அழிப்பிலிருந்து தமிழ் மக்களைப் காப்பாற்ற, அவர்களின் அரசியல் அபிலாஷையான, தன்னாட்சியும் இணைந்த சுய நிர்ணய உரிமைக் கோட்பாட்டை அங்கீகரிப்பதே ஒரே மார்க்கமென்பதை தமிழக தலைவர்கள் அனைவரும் இந்திய நடுவண் அரசினை வலியுறுத்த வேண்டும்.அக் கோரிக்கைக்கு பலம் சேர்க்கும் வகையில் யதார்த்தபூர்வமான களநிலை அரசியல் காரணிகளை அடுக்கிக் கொண்டே போகலாம்.அரசின் ஒரு தலைப்பட்ச போர் நிறுத்த முறிப்பு போர் நிறுத்த கண்காணிப்பாளர்களின் வெளியேற்றம், தீவிரமடையும் இராணுவத்தின் படை நகர்வு 20 தடவைகளுக்கு மேல் உள்ளக இடப்பெயர்விற்குள்ளாகியுள்ள 3 இலட்சம் தமிழர்கள், இறுதியாக சர்வதேச தொண்டு நிறுவனங்களின் வெளியேற்றம் போன்ற விடயங்களே தமிழர்களிற்கான சுய நிர்ணய உரிமையை அவசியத்தை உணர வைக்கிறது.
அதேவேளை டில்லி அரசியலை ஆட்டிப் படைக்கும் முரண்நிலைச் சக்திகள் குறித்தும் ஆராயப்பட வேண்டும்.அதாவது பிரதமர், தமிழகச் சிந்தனைகளை ஏற்க விரும்பினாலும் "சவுத் புளொக்' கிலுள்ள இந்திய வெளியுறவுக் கொள்கை வகுப்பாளர்களும் பாதுகாப்புத் துறை விற்பனர்களும் இதற்கு முட்டுக்கட்டை போடுவதாக ம.தி.மு.க. செயலாளர் வைகேõ அவர்கள் அண்மையில் தெரிவித்திருந்தார்.இதில் ஓரளவிற்கு உண்மைத்தன்மை பொதிந்திருந்தாலும் மக்கள் பிரதிநிதிகள் மேற்கொள்ளும் தீர்மானங்களுக்கு ஆய்வறிக்கைகளைச் சமர்பித்து அறிவுரை கூறும் முக்கிய பங்கு இந்திய கொள்கை வகுப்பாளர்களுக்கு உண்டென்பது எழுதப்படாத விதியாக இருக்கிறது.ஆனாலும் ஓரிரு வாக்கு வித்தியாசத்தில் நாடாளுமன்ற ஆட்சி அதிகாரத்தை தக்க வைத்துள்ள ஒரு கூட்டாட்சி அமைப்பானது, வெறுமனே கொள்கைவகுப்பாளர்களின் அறிவுரைக்கேற்ப அரசியலை நடத்த முடியாது.
பெரும்பான்மை பெற்ற தனிக்கட்சி ஆட்சியொன்றினால் மட்டுமே இத்தகைய வெளியுறவு, பாதுகாப்பு ஆலோசனைக் கூட்டத்தின் அறிவுரைகளை தங்குதடையின்றி முழுமையாக உள்வாங்கி அதை நிறைவேற்றும் வல்லமை கொண்டிருக்கும்.அடிக்கடி தமிழ்நாட்டிற்கு விஜயம் செய்து முதல்வர் கருணாநிதியுடன் ஆலோசனை நடத்தும் சிவசங்கர் மேனன், எம்.கே. நாராயணன் போன்றோரின் நகர்வுகள் தனிப்பலமில்லாத கட்சியின் ஆட்சியில் கொள்கை வகுப்பாளர்களின் தனிச் செல்வாக்கு, எந்த மட்டத்திற்கு கீழிறங்குகியுள்ளதென்பதை தெளிவாக எடுத்துக் காட்டுகிறது.
ஆகவே மற்றவர்களின் ஆசனப் பலத்தில் தங்கியுள்ள ஆட்சியொன்றில் சில விடயங்களைச் சாதிக்கக் கூடிய சாத்தியப்பாடுகள் காணப்படுகிறது.இதனைச் சாதகமாக மாற்றியமைத்து தமிழின அழிப்பைத் தடுக்கும் வல்லமை தமிழ்நாட்டு தலைவர்களுக்கும் அம்மக்களுக்கும் உண்டென்பதை மானுடவாதிகள் உணர்த்துதல் வேண்டும்.இந்திய அரசின் பூரண ஆதரவு தமக்கு உண்டெனப் பெருமிதம் கொள்ளும் பௌத்த சிங்கள பேரினவாதத்தின் இன அழிப்பு மனோபாவத்தை உடைத்தெறியும் அரசியல் நகர்வுகளை, தமிழ்நாட்டு மக்கள் விரைவாக முன்னெடுக்க வேண்டும்.
ஈழத் தமிழர் பிரச்சினையில் மத்திய அரசின் கொள்கையே எனது கொள்கையெனக் கூறிய கலைஞரின் போக்கில் தற்போது மாறுதல் ஏற்பட்டுள்ளது.அம்மாறுதலானது வருகிற பொதுத் தேர்தலின் அடிப்படையில் நிகழ்ந்த காய்நகர்த்தல்களா அல்லது ஈழத் தமிழர் பால் அவர் கொண்ட இன உணர்வின் அடிப்படையில் ஏற்பட்ட உண்மையான மாற்றமாவென்பதை கலைஞரின் அடுத்த கட்ட செயல்வன்மை மிக்கஅரசியல் நகர்வுகளே சாட்சிப்படுத்தும்.
ஆகவே தமிழின விடுதலைப் போராட்டப் பாதையில் போடப்பட்டுள்ள தற்காலிகத் தடையரண்களை, உடைத்தெறியும் "தடை நீக்கி' களாகத் தமிழகத் தலைவர்கள் செயற்படுவார்களென்கிற நம்பிக்கை ஈழத் தமிழர்களுக்கு உண்டு.ஆனாலும் தமிழக மக்களின் தன்னியல்பான பேரெழுச்சியே, அத்தலைவர்களையும் முன் தள்ளிச் செல்லும் என்பதே மக்கள் போராட்டங்கள் சொல்லும் செய்தியாகும்.
[நன்றி -வீரகேசரி]
Saturday, August 2, 2008
தெற்காசிய நாடுகளுக்கு பயங்கரவாதம் ஒரு சாபக்கேடு - சார்க் மாநாட்டில் மகிந்த ராஜபக்ச உரை
சனி, 02 ஆகஸ்ட் 2008 [செய்தியாளர் மயூரன்]
பயங்கரவாத்தில் நல்ல பயங்கரவாதம் கூடாத பயங்கரவாதம் என பிரிவுகள் கிடையாது. பிராந்தியத்தில் பாதுகாப்பையும், சமாதானத்தையும், அமைதியையும் நிலைநாட்டுவதற்கு பயங்கரவாதத்தை இல்லாது ஒழிப்பது மிகவும் அவசியம். தெற்காசிய நாடுகளுக்கு பயங்கரவாதம் ஒரு சாபக்கேடாக அமைந்துள்ளது.
சிறீலங்காவில் பயங்கரவாதத்தை ஒழிப்பது கைகொடுத்து உதவிகள் வழங்கிய நாடுகளுக்கு எனது நன்றிகள். கிழக்கு மாகாணத்தில் பயங்கரவாத்தை அடியோடு அழித்துள்ளோம். அங்கு பங்கரவாத்தில் ஈடுபட்டோர் ஐனநாயக வழிக்குத் திரும்பிவிட்டார்கள். சிறுவர் போராளியாக இருந்தவர் இன்று கிழக்கு மாகாணசபையின் முதலமைச்சராக தெரிவு செய்யப்பட்டுள்ளார். இதேபோன்று பயங்கரவாதிகளிடம் இருந்து வடக்கையும் கைப்பற்றுவோம். அங்கும் ஐனநாயகத்தை நிலைநாட்டுவோம்.
தென்னாசிய நாடுகளில் பொருளாதாரம் மிகப் பலமானது. அதன் ஸ்திரத்தன்மை தொடர்ந்து பேணப்பட வேண்டும். அத்துடன் தென்னாசிய நாடுகளிடையே புலனாய்வுத் தகவல்கள், தொடர்பாடல்கள் என்பவற்றை பரிமாறிக்கெள்ள வேண்டும் என மகிந்தராஜபக்ச அங்கு மேலும் உரையாற்றியுள்ளார்.
பங்கரவாத்திற்கு எதிரான யுத்தத்தில் நாங்கள் தோல்வியடைக் கூடாது - மன்மோகன் சிங்
சனி, 02 ஆகஸ்ட் 2008 [செய்தியாளர் மயூரன்]
சார்க் பிராந்திய நாடுகளில் பயங்கரவாதம் இன்று தலைதூக்கியுள்ளது. இந்த நாடுகளுக்கு பயங்கரவாதமே அச்சுறுத்தலாக அமைந்துள்ளது. தீவிரவாதிகளுக்குத் தெரியும் பயங்கரவாத்திற்கு எல்லைகள் இல்லை என்று. பங்கரவாத்திற்கு எதிரான யுத்தத்தில் நாங்கள் தோல்வியடைக் கூடாது.
அண்மையில் இடம்பெற்ற காபூலிலுள்ள இந்தியத் தூதரகம் மீதான தாக்குதல் மற்றும் அஹமதாபாத்தில் இடம்பெற்ற தாக்குதல்கள் என்பன பயங்கரவாதம் இன்னமும் உக்கிரமான நிலையில் உள்ளது என்பதை சுட்டிக்காட்டுகின்றன.
சவால்களை எதிர்கொள்வதற்கு தெற்காசிய நாடுகளிடம் அதிக வளங்கும் திறன்களும் உள்ளன. கடந்த நான்கு வருடங்களில் இந்தியா 8.8 விழுக்காடு பொருளாதாரத்தில் வளச்சியடைந்துள்ளது. இதேபோன்று ஏனைய தெற்காசிய நாடுகளும் வளர்ச்சி அடைந்துள்ளன.
தெற்காசிய சுங்கச் சங்கம் மற்றும் தெற்காசிய பொருளாதாரச் சங்கம் என்பவற்றை அமைப்பதற்கு நாங்கள் ஏற்கனவே இணைக்கம் தெரிவித்திருந்தோம் என மன்மோகன் சிங்கு அங்கு உரையாற்றும் போது மேலும் தெரிவித்துள்ளார்.
Friday, August 1, 2008
"ஆனந்த விகடன்" கருத்துக்கணிப்பு முடிவுகள்!
| தமிழ்நாட்டில் புலிகளுக்கு 54.25% ஆதரவு- தமிழீழமே தீர்வு- 55.44%- தடையை நீக்க வேண்டும்- 47.65% "ஆனந்த விகடன்" கருத்துக்கணிப்பு முடிவுகள்! |
| [வெள்ளிக்கிழமை, 01 ஓகஸ்ட் 2008, 10:37 மு.ப ஈழம்] [புதினம் நிருபர்] |
| தமிழ்நாட்டில் தமிழீழ விடுதலைப் புலிகளுக்கு 54.25 விழுக்காடு தமிழர்கள் தமது கருத்துக்கணிப்பில் ஆதரவு தெரிவிப்பதாக தமிழ்நாட்டின் முன்னணி ஏடான "ஆனந்த விகடன்" தெரிவித்துள்ளது. |
| ஆனந்த விகடன் இதழில் (06.08.08) இது தொடர்பில் இடம்பெற்றுள்ள கருத்துக் கணிப்பு விவரம்: |
Sunday, July 27, 2008
இலங்கயும் இனக்கலவரங்களும்
1883ம் ஆண்டு தலைநகரமான கொழும்பில் பௌத்தர்களும் கத்தோலிக்கர்களும கலவரத்தில் ஈடுபட்டார்கள். பிரித்தானியர்களின் ஆதரவான அதிகாரம் கொண்ட மேலாதிக்க வாதிகளுக்கும், பௌத்த சிங்களப் பேரின வாதிகளுக்கும் இடையில் இந்த மோதல் ஏற்பட்டது. பிரித்தானியர்கள் தங்கள் அதிகாரத்தைப் பயன்படுத்தி இக் கலவரத்தை அடக்கினார்கள். இக் கலவரத்தில்த் தங்கள் நன்மைக்காக அதிகாரத்துக்கு வருவதற்கும் - உயர் கல்வி கற்பதற்கும் - கொழும்பைத் தங்கள் தங்கள் பிரதேசமாகக் கருதியவர்களும், மதம் மாறிய யாழ் மேட்டுக் குடியினர்களும் பாதிக்கப்பட்டார்கள்.
இக் கலவரத்தில் புரட்டஸ்தாந்து கிறிஸ்தவர்களின் ஆதரவும் இருந்தது. கத்தோலிக்கர்களுக்கு எதிராக இவர்கள் நடந்து கொண்டார்கள். அரசாங்கப் பிரதி நிதிகளாகவும் அரசு சேவையிலும் 1915 ம் ஆண்டு வரை கரையோரச் சிங்களவர்களில் ஒருவரைத் தவிர மற்றைய அனைவரும் புரட்டஸ்தாந்து மதத்தை சார்ந்தவர்களாகும்.
சாதாரணமான ஏழைச் சிங்களத் தமிழ் மக்களின் யதார்த்தமான (பிரித்தானிய அரசுக்கும், அதிகார மேலாதிக்கச் சக்திகளுக்கும் எதிராகப் போராட்டங்கள் உருவாகிய காலம்) பிரச்சனைகளைத் திசை திருப்புவதற்காக மதம் கொண்ட தேசிய வாதத்தை உருவாக்கினார்கள். இக் கலவரத்தை உருவாக்குவதற்குத் தலைமை தாங்கியவர்கள் அனாகரிக தர்மபாலாவும் ஹரிச்சந்திராவும் ஆகும்.
1914-15 ம் ஆண்டு காலப் பகுதியில் முஸ்லீம் மக்களுக்கு எதிராக இனக்கலவரம் உருவாகியது. அங்காடி வியாபாரத்தின் முரண்பாட்டால் உருவானது. இலங்கை முழுவதிலும் முஸ்லீம்கள் தான் வியாபாரத்தில் ஈடுபட்டார்கள். இக்கலவரத்தில் ஈடுபட்டவர்கள் பௌத்த சிங்களப் பேரின மேலாதிக்கச் சக்திகளும், யாழ் இந்து மேட்டுக் குடி மேலாதிக்கச் சக்திகளும் ஆகும்.
இக்கலவரம் பிரித்தானியர்களின் ஆட்சிக்குக் குந்தகமாக அமைந்தது. இதனால் அன்று சமூக சீர்திருத்த வாதியாகவும் தொழிற்சங்க முன்னோடியாகவும் சகல மக்களாலும் மதிக்கப்பட்ட சேர். பொன்னம்பலம் அருணாச்சலத்தின் மூலமாக இக் கலவரத்தைச் சமாதானம் செய்து வைத்தார்கள். இச்சமாதானம் சிங்கள முதலாளிகளுக்குச் சாதகமாக அமைந்தது. இதனால் முஸ்லீம் மக்கள் தமிழர்களை எதிரிகளாகப் பார்க்கத் தொடங்கினார்கள்.
அனாகரிக தர்மபாலா இம் முஸ்லீம்களைப் பார்த்துத் தென்னிந்தியத் தெருப் பொறுக்கிகள் என்று விளித்தார். இவர் அதேபோல் மலையகத் தமிழ் மக்களைப் பார்த்துத் தென்னிந்தியக் கீழ்ச் சாதிக் கூலிகள் என்றும் விளித்தார். பௌத்த சிங்களப் பேரினவாதிகளும், யாழ் இந்து மேட்டுக் குடி மேலாதிக்க வாதிகளும், மலையக மக்களின் தலைவர்களாக விளங்கிய கங்காணிப் பரம்பரையில் வந்தவர்களும் இந்தப் பொறுக்கித்தனமான வாக்கியத்தைக் கூறுவார்கள். (இக் கங்காணிகள் தான் தென் இந்தியாவில் இருந்து இலங்கைக்கு இம் மக்களைக் கொண்டு வந்தவர்கள்.)
பௌத்த சிங்களப் பேரினவாதிகளின் பரிணாம வளர்ச்சி தான் யு. என். பி. க் கட்சியாகும். யாழ் மேட்டுக் குடித் தலைமையும், கங்காணித் தலைமையும், முஸ்லீம் தலைமையும் யு. என். பி. க் கட்சியின் விசுவாசிகள். (ஓர் உயிர் இரு உடல் மாதிரி)
1890 ம் ஆண்டு தொடக்கம் 1930 ம் ஆண்டு வரையில் தொழிலாளர்களின் இடையே இன ஒற்றுமை பலம் வாய்ந்ததாக இருந்தது. இதற்குப் பொதுவுடைமை வாதிகளினதும், மார்க்சிய இடது சாரிகளினதும் உழைப்பாகும்.
ஏ. ஈ. குணசிங்கா ஏற்படுத்திய இனவாதம் (மலையாளத் தொழிலாளர்களுக்குத் எதிராக) தான் இன்றைய இனவாதமாகும் (தமிழ் பேசும் மக்களுக்கு எதிராகப் பரிணர்மித்தது.)
1956 ம் ஆண்டு தமிழ்ப் பேசும் மக்களுக்கு எதிராக இனக் கலவரம் உருவாகியது.
பண்டாரநாயக்கா தான் ஆட்சியைப் பிடிப்பதற்குக் கூறிய வாக்கியம் தான் அவரை இனவாதியாகச் சித்தரித்தது. சிறி எதிர்ப்புப் போராட்டத்தின் மூலம் உருவான இனக் கலவரம் பண்டா - செல்வா ஒப்பந்தம் மூலம் விஸ்வரூபம் எடுத்தது. இக்கலவரத்தை உருவாக்கியவர் ஜே. ஆர். தான் இதற்கு இராஜரட்ணமும் ஆதரவாக இருந்தார்.
சிங்களம் மட்டு தான் இலங்கை அரச மொழியாக இருக்க வேண்டும் என்று ஜே.ஆர் யு. என். பி க் கட்சி யாப்பில் முதன் முதல்க் கொண்டு வந்தவர். (1944 ம் ஆண்டு.). பின்னர் டொனமூர் கமிசனுக்கு முன்னாலும் வலியுறுத்தியவர். (1947 ம் ஆண்டு).
மார்க்சிய இடது சாரிகள் சம உரிமை என்ற நிலைப்பாட்டைக் கொண்டு இருந்தார்கள். (1890 ம் ஆண்டு தொடக்கம் 1969 ம் ஆண்டு வரை இதன் பின் சுயநிர்ணய உரிமை என்று கூறத் தொடங்கி விட்டார்கள்.)
சிறி எதிர்ப்புப் போராட்டத்துக்குப் பின் தமிழ் மேலாதிக்க வாதிகள் சிங்களச் சிறி பொறித்த வாகனத்திலும், இடது சாரிகள் ஆங்கில எழுத்தில் சிறி பொறித்த வாகனத்திலும், பண்டாரநாயக்கா தமிழ்ச் சிறி பொறித்த வாகனத்திலும் பவனிவந்தார்கள்.
யாழ் மேட்டுக் குடிச் சிந்தனையை மையமாக வைத்துத், தேசிய முதலாளித்துவ அரசுக்கு எதிராகப் போராட்டத்தைத் தொடக்கி இனக் கலவரங்களைப் பௌத்த பேரினவாதிகள் (யு. என். பி.) மூலம் இனக்கலவரங்களை உருவாக்குவார்கள். யு. என். பி. ஆட்சி காலத்தில் அவ்ஆட்சியுடன் சங்கமம் ஆகிவிடுவார்கள்.
யு. என். பி. யின் படுதோல்வி, யாழ் இந்து மேட்டுக் குடித் தலைமையின் தோல்விகள் தான் ஈழப் போராட்டம் ஆரம்பமாகியது. இலங்கையின் தேர்தல் வரலாற்றைச் சரியான முறையில் கணிக்காமல் ஆயுதப் போரட்டத்தை இந்த யாழ் ‘மோட்டுக்’ குடித் தலைமை துடங்கியது அவர்களையே அழித்தது.
1977 ம் ஆண்டு யு. என். பி. ஆட்சி ஸ்த்திரமாக இருப்பதற்கும், உலக முதலாளித்துவம் உலக மயமாக்கும் திட்டத்தை அறிமுகப்படுத்துவற்குற்மாக ஆக இனக் கலவரங்கள் 1977 ம் ஆண்டு தொடக்கம் 1983 ம் ஆண்டுவரை தொடச்சியா நடத்தப்பட்டது. இதன் ஊடாக உலக வர்த்தக வலையத்தை அறிமுகப் படுத்தினார்கள். இங்கு தொழிலாளர்கள் அடிமைகள் ஆக்கப்பட்டார்கள்.
1983 ம் ஆண்டு மிகப் பெரிய இனக் கலவரம் தொடங்குவதற்கான வேலைகளை யு.என.பி க் கட்சியின் முக்கிய தலைமைகள் செயல்ப்பட்டுக் கொண்டு இருந்தது. பிரேமதாச, சிறிமத்தியூ, ரணில், லலித் இவர்கள் இனக் கலவரத்தின் சூத்திரதாரிகள். யாழ் நூலகத்தை எரித்தவர்களும் இவர்கள் தான்.
இச்சமயத்தில் சிறையில் உள்ள ஈழப் போராளிகளைச் சிறை மீட்பது என்ற திட்டத்தை ஒப்பிரேதேவன் மூலம் நடைமுறைப்படுத்தச் சகல ஈழ அமைப்புக்களும் (புலி உள்ப்பட) ஒப்புக் கொண்டு செயல் திட்டத்தில் இறங்கினார்கள். புளொட் சிறையை உடைத்து அவர்களை வெளியில் கொண்டுவருவது என்றும் ஈ.புp.ஆர்.எல.எஃவ் வும் புலிகளும் இலங்கை இராணுவம் வருவதைத் தடுப்பது என்றும், ரெலோ இவர்களை இந்தியாவுக்குக் கொண்டு செல்வது என்ற செயல்ப்பாட்டுத் திட்டத்தில் செயல்ப்பட்டார்கள். வெசாக் அன்று இத் திட்டத்தை அமுல்படுத்துவதாக இருந்தது. 5 நாளைக்கு முன்னர் புலிகள் இத் திட்டத்தில் இருந்து விலகுவதாக அறிவித்து விட்டார்கள்.
இதன் பின் இராணுவ முகாங்களில் இருந்த சகல ஈழப் போராளிகளை வெளிக்கடைச் சிறைச்சாலைக்கு அவசர அவசரமாகச் கொண்டு வரப்பட்டார்கள். இவர்கள் அனைவரையும் சிறையில் வைத்துக் கொலை செய்வது என்று பிரேமதாச மூலம் திட்டம் தீட்டப்பட்டது.
1983 - 07 - 23 ம் திகதி திருநெல்வேலியில் வைத்து 13 இராணுவத்தைக் கொன்றார்கள். இதே சமயம் இலங்கையில் உள்ள பிரதான நகரங்களில் யு.என்.பி. க் குண்டர்கள் இனக் கலவரங்களைத் தொடங்குவதற்குத் தயார் நிலையில் வைக்கப்பட்டு இருந்தார்கள். 24 ம் திகதி இறந்த இராணுவத்தின் உடல்கள் கொழும்புக்குக் கொணடு வரப்பட்டவுடன் இனக் கலவரம் உருவாகியது.
25 ம் திகதி வெலிக்கடைச் சிறைச் சாலையில் வைத்து 25 போராளிகள் கொல்லப்பட்டார்கள். 27 ம் திகதி 18 ஈழப் போராளிகள் கொல்லப்பட்டார்கள். மிகுதியானவர்களை மட்டக்களப்புச் சிறைச்சாலைற்குப் பாதுகாப்புக் கருதி மாற்றப்பட்டார்கள். கொல்லப்பட்டவர்களில்த் தங்கத்துரை, குட்டிமணி, ஜெகன், இராசுந்தரம், அனபழகன், ரொபேட் போன்றவர்கள் ஆகும். ரெலோத் தலைவர்கள் வெளிவருவதைப் பிரபாகரன் விரும்பவில்லை. இவர்களைக் காட்டிக் கொடுத்தவர் பிரபாகரன் தான்.
இக்கலவரத்தில் அகதி முகாம்களில் (கொழும்பில்) இருக்கும் தமிழ் மக்களை கொல்வதற்கு ஜே. ஆர் திட்டம் தீட்டி இருந்தார். (தமிழ் மக்களைப் பயமுறுத்துவதற்காக) அச்சமயம் சில சிங்கள இளைஞர்கள் செட்டித் தெருவைத் தாக்க முற்ப்பட்டார்கள். (இத் தெருவுக்கு ஜே. ஆர் தகுந்த பாதுகாப்புக் கொடுத்திருந்தார்.) இது ஜே.ஆர்ருக்குக் குழப்பத்தை உண்டுபண்ணியது. ஜே. ஆர் உடனே அவசரகாலச் சட்டத்தை கொண்டுவந்து தமிழ் அகதிகளை (இந்தியாவின் உதவியுடன்) யாழ்ப்பாணத்துக்கு அனுப்பி வைத்தார். தமிழ் மேலாதிக்கத் தலைமைகள் இந்தியா சென்று விட்டார்கள். தருமரும், ஆலாலும் இந்தியா செல்லவில்லை. யாழ்ப்பாணத்திலேயே தங்கிவிட்டார்கள்.
இதன் பின் ஈழ விடுதலை அமைப்புக்கள் வளச்சியடையத் தொடங்கியது.
Monday, July 21, 2008
சார்க் மாநாட்டை முன்னிட்டு தமிழீழ விடுதலைப் புலிகள் போர் நிறுத்தம் அறிவிப்பு
Thursday, July 17, 2008
நிமலன் சவுந்தரநாயகம் கொலைக்கு புலிகள் உரிமைகோரியுள்ளனர்!
நிமலன் சவுந்தரநாயகம் கொலைக்கு புலிகள் உரிமைகோரியுள்ளனர்! . புலிகளின் இணையத்தளம் உண்மையை அம்பலப்படுத்தியிருக்கிறது
- சண்முகபாரதி
2000 ஆண்டு ஒக்ரோபர் மாதத்தில் நிகழ்ந்த தேர்தலில் நிமலன் சவுந்தரநாயகம் மட்டக்களப்பு மாவட்டத்தில்; தமிழ் தேசியக் கூட்டமைப்பு சார்பில் பொதுத்தேர்தலில் போட்டியிட்டு வெற்றி பெற்றவர். அத்தேர்தலில் கூட்டமைப்பு சார்பில் போட்டியிட்ட முன்னாள் பாராளுமன்ற உறுப்பினரான ஜோசப் பரராசசிங்கம் தோற்றுப்போனார். புலிகளால் அதைப் பொறுத்துக்கொள்ள முடியவில்லை. நிமலன் சவுந்தரநாயகமும் புலிகளால் தான் நியமிக்கப்பட்டவர். எனினும் ஜோசப் பரராசசிங்கம் புலிகள் வாயால் இடும் உத்தரவை தலையால் நிறைவேற்றக்கூடியவர். எனவே நிமலன் சவுந்தரநாயகம் தனது பாராளுமன்ற உறுப்பினர் பதவியை இராஜினாமா செய்து, தேர்தலில் அவருக்கு அடுத்ததாக வந்த ஜோசப் பரராசசிங்கத்திற்கு வழிவிடும்படி புலிகளால் உத்தரவிடப்பட்டது. ஆனால் மக்கள் ஆதரவுடன் வெற்றிபெற்றிருந்த நிமலன் சவுந்தரநாயகம் அதற்கு மறுத்துவிட்டார். இதனால் ஆத்திரமடைந்த புலிகள் 06.11.2000 இல் நிமலன் சவுந்தரநாயகத்தை தெருவில் வைத்து நாயைச் சுடுவது போல சுட்டுக்கொலைசெய்து ஜோசப் பரராசசிங்கத்தைக் எம்.பியாக்கிவிட்டனர். அந்தக் கொலையை கண்டித்து, நிமலன் சவுந்தரநாயத்திற்கு வாக்களித்த மக்கள் பல ஆர்ப்பாட்டங்களை அந்த நேரத்தில் நடாத்தினர். இதனால் நெருக்கடிக்குள்ளான புலிகள் தாம் அந்தக் கொலையைச் செய்யவில்லையென்றும் இராணுவமே அந்தக் கொலையைச செய்ததென்றும் பிரச்சாரங்களை மேற்கொண்டு தமது கொலைக்கரங்களை மூடிமறைத்துவிட்டனர். ஆனால் ‘உண்மை ஒருபோதும் உறங்குவதில்லை’என்று சொல்வார்கள். அதுபோல உண்மை இப்பொழுது வெளிவந்துவிட்டது.
ஜூலை மாதம் 12 ந் திகதி புலிகளின் ‘நிதர்சனம்’இணையத்தளம் வெளியிட்ட செய்தியொன்றில் நிமலன் சவுந்தரநாயகத்தை கருணா தான் கொலை செய்தார் என குற்றம் சாட்டப்பட்டுள்ளது. புலிகள் கடந்தகாலங்களில் கிழக்கு மாகாணத்தில் செய்த படுகொலைகள் எல்லாவற்றையும் கருணாவின் தலையில் போட்டு தப்பிக்கொள்ள முற்பட்டு வருகின்றனர் என்பது எல்லோரும் அறிந்ததே. 2000 ஆண்டில் புலிகள் இயக்கத்தில் கருணா முக்கிய பொறுப்பில் இருந்ததால், புலிகளே நிமலன் சவுந்தரநாயகம் கொலையின் சூத்திரதாரிகள் என்பதை ‘நிதர்சனம்’செய்தி இப்பொழுது உறுதிப்படுத்தியுள்ளது. இதிலிருந்து ஒன்று தெளிவாகின்றது. தமது கடந்தகால செயற்பாடுகள் எல்லாம் தவறானவை என்பதை புலிகளே மறைமுகமாக ஏற்றுக்கொள்கிறார்கள் போலும்! (ஆனால் அண்மையில் மகேஸ்வரி வேலாயுதத்தை கொலை செய்ததுவரை தொடர்ந்தும் புலிகள் அதையேதான் செய்கிறார்கள்) கருணா அவற்றைச் செய்தது தவறு என்றால், அவர்மீது நடவடிக்கை எதுவும் எடுக்காமல் இயக்கத்தில் பிரபாகரனுக்கு அடுத்த ஸ்தானம் அவருக்கு கொடுத்து வைத்திருந்தது எதற்காக என்ற கேள்வியும் எழுகின்றது. எனவே மட்டக்களப்பு –அம்பாறை மாவட்டங்களுக்கு புலிகளின் சார்பாகவே கருணா பொறுப்பாக இருந்தபடியால் அங்கு கடந்தகாலங்களில் நடைபெற்ற அனைத்து வன்முறைச் சம்பவங்களுக்கும் புலிகளின் தலைமையே பொறுப்பேற்க வேண்டும். தலை இருக்க வாலைப்பிடிப்பது போல, மனித உரிமைக் கண்காணிப்பு அமைப்பு (Human Rights Watch) சர்வதேச மன்னிப்புச்சபை (Amnesty International) போன்ற சர்வதேச மனித உரிமை நிறுவனங்களும் சில உள்ளுர் மனித உரிமை அமைப்புகளும் கிழக்கு மாகாணத்தில் கடந்த காலத்தில் புலிகள் மேற்கொண்ட செயற்பாடுகளுக்கு கருணாவை மட்டும் விசாரிக்க வேண்டும் எனக் கோருவதும், அதேவேளையில் புலித் தலைவர்களுக்கு இலங்கை அரசாங்கம் செங்கம்பளம் விரித்து வரவேற்று பேச்சுவார்த்தை நடாத்த வேண்டும் எனக் கோருவதும் என்ன வகையான மனித உரிமை நடைமுறையோ தெரியவில்லை.
இலங்கையில் கடந்த காலத்தில் தேசிய விடுதலைப் போராட்டத்தின் பெயரால் செய்யப்பட்ட மனித உரிமை மீறல்களும், நாட்டின் இறைமையைப் பாதுகாப்பதன் பெயரால் செய்யப்பட்ட மனித உரிமை மீறல்களும் என அனைத்துவகை மனித உரிமை மீறல்களும் விசாரிக்கப்பட்டு குற்றவாளிகள் தண்டிக்கப்பட வேண்டும் என்பதில் இரண்டாம் கருத்துக்கு இடமில்லை. குற்றவாளிகளில் தமிழ், சிங்களம், முஸ்லீம் என பார்க்கமுடியாது. அந்தவகையில் கருணாவும் நிச்சயம் விசாரிக்கப்படத்தான் வேண்டும். ஆனால் 4 ஆண்டுனளுக்கு முன்னர்; புலிகளிலிருந்து பிரிந்து ஜனநாயக அரசியலுக்குத் திரும்பிய அவரை விசாரிப்பதற்கு முன்பாக, இன்னமும் தொடர்ந்து பாசிச கொலைவெறிச் செயல்பாடுகளில் ஈடுபட்டிருக்கும் புலித்தலைமையை கைது செய்து விசாரிப்பது முதன்மையான விடயம் என்பதை இந்த மனித உரிமை ஜாம்பவான்கள் புரிந்து கொள்வது அவசியம்.
--------------------------------------------------------------------------------------------------------------------------------------------------------------------
நிதர்னத்தில் வெளிவந்த செய்தி
தமிழ் தேசிய கூட்டமைப்பின் தலைவர் இரா. சம்பந்தன் கருனாவின் அடுத்த இலக்கா? சிறந்த அரசியல்வாதியென புகழாரம் செய்யும் மர்மம் என்ன?.
ஜ சனிக்கிழமை 12 யூலை 2008 ஸ ஜ -வே.பவான் ஸ
�தமிழ்த் தேசியக் கூட்டமைப்பை உருவாக்கியவர்களில் நானும் ஒருவன். தமிழ் மக்களின் உரிமைக்காகப் போராடவே அது உருவாக்கப்பட்டது. துரதிஸ்டவசமாக அவர்கள் தற்பொழுது விடுதலைப் புலிகளின் உரிமைகளுக்காக போராடுகிறார்கள்.சம்பந்தன் ஒரு சிறந்த அரசியல்வாதி. எனினும், அச்சம் காரணமாக அவரும் விடுதலைப் புலிகளுக்கு ஆதரவாகச் செயற்படவேண்டிய நிலை ஏற்பட்டுள்ளது. இந்த நிலைமை விரைவில் மாற்றமடையும்� எனவும் கருணா தனது செவ்வியில் கூறினார்.
இலங்கை விடயத்தில் இந்தியாவின் தலையீடு எதிர்காலத்தில் அதிகரிப்பதற்கான சாத்தியக்கூறுகள் இருப்பதாகத் தெரிவித்திருக்கும் கருணா , இலங்கை, பாகிஸ்தானிடமிருந்து ஆயுத உதவிகளைப் பெற்றுக்கொள்வதை இந்தியா விரும்பவில்லையெனவும் கூறியுள்ளார்.அத்துடன், எதிர்வரும் பொதுத் தேர்தலில் மட்டக்களப்பு மாவட்டத்தில் போட்டியிட்டு சிறந்தவொரு அரசியல்வாதியாக விளங்கவேண்டுமெனத் தான் விரும்புவதாகவும் அந்த ஊடகத்துக்கு வழங்கிய செவ்வியில் கருணா மேலும் தெரிவித்தார். தனது பாராளுமன்றா அரசியல் பயண்த்துக்கு முன்னர் கிழ்க்கில் எஞ்சியுள்ளா ஒரே மூத்த அரசியல்வாதியான சம்பந்தனை திடீரென பல்டியடித்து புகழ்ந்ததில் உள்ள் ரகசியம் என்ன? ஏலவே கிழக்கின் மூத்த அரசியல்வாதிகளான அரியசந்திர நேரு, ஜோசப் பரராஜ்சிங்கம், நிமலன்சவுந்தர நாயகம் முதலானோர் கருனாவின் உத்தரவுக்கு அமைய சுட்டுக்கொல்லப்பட்டது தெரிந்ததே. அத்துடன் தமிழ் தேசிய கூட்டமைப்பின் உருவாக்கம் பற்றி எள்ளளவும் அறிந்திராத கருணா அதன் உருவாக்கத்தில் தன்னையும் சேர்த்துக்கொண்டது வேடிக்கையானது.தமிழீழ் விடுதலை புலிகள் இயக்கத்தை உருவாக்கியது தான் தானென்றூ சொன்னாலும் இனி ஆச்சரியப்படுவதற்கில்லை.
-------------------------------------------------------------------------------------------------------------
2000ம் ஆண்டு நிமலன் சவுந்தரநாயகம் கொலை செய்யப்பட்டபின் வெளியான செய்தி.
இலங்கையில் தமிழ் எம்.பி.சுட்டுக்கொலை
புதன்கிழமை நவம்பர் 8 2000
இலங்கையில் தமிழ் எம்.பி. நிமலன் சவுந்தரநாயகம் செவ்வாய்க்கிழமை மாலை சுட்டுக் கொல்லப்பட்டார்.
அவர் மோட்டார் சைக்கிளில் சென்று கொண்டிருந்த போது அடையாளம் தெரியாத சிலர் சுட்டுக் கொன்றனர்.சமீபத்தில் இலங்கை நாடாளுமன்றத் தேர்தல் நடந்தது. இதில் மட்டக்களப்பு தொகுதியில் தமிழர் ஐக்கிய விடுதலை முன்னணிக் கட்சி சார்பில் போட்டியிட்டுவெற்றி பெற்றவர் நிமலன் சவுந்தரநாயகம்.
இவர் கிழக்கு மட்டக்களப்பு பகுதியில் செவ்வாய்க்கிழமை மாலை 4.30 மணிக்கு சென்று கொண்டிருந்த போது அவரை மர்ம மனிதர்கள் 4 பேர்சுட்டுக் கொன்றனர். கொலையாளிகளும் மோட்டார் சைக்கிளில் வந்துதான் தாக்கியுள்ளனர் என்று கூறப்படுகிறது.மோட்டார் சைக்கிளில் அமைச்சருடன் சென்ற பாதுகாவலர் காயம் அடைந்தார். அவர் உடனடியாக எரவூர் மருத்துவமனையில் சேர்க்கப்பட்டார். அங்குஅவருக்குத் தீவிர சிகிச்சை அளிக்கப்பட்டு வருகிறது.துப்பாக்கியால் சுட்ட குற்றவாளிகள் குறித்த விவரம் எதுவும் தெரியவில்லை.